Komisioni Federal i Komunikimeve ka miratuar një projekt të internetit satelitor të propozuar nga Boeing në 2017.
Miratimi i FCC do të thotë që Boeing mund të fillojë ndërtimin, lëshimin dhe përdorimin e rrjetit të vet të internetit nga hapësira, duke iu bashkuar kështu rivalit SpaceX.
Plani i Boeing përfshin lëshimin e 132 satelitëve në orbitën e ulët të Tokës në një lartësi prej 1,056 kilometrash, ndërsa 15 të tjerë do të lëshohen në orbitë jo gjeostacionare në një lartësi midis 27,355 dhe 44,221 kilometra. Kompania dëshiron të përdorë satelitët e saj për të ofruar “shërbime të internetit dhe komunikimit për banorët, qeverinë dhe përdoruesit e biznesit në SHBA, Porto Riko dhe Ishujt e Virgjër”, ndërsa rrjeti është në ndërtim e sipër, dhe kur të përfundojë, shërbimet e tij do të jenë të disponueshme në mbarë botën.
Të gjithë 147 satelitët do të funksionojnë në frekuencën e brezit V të spektrit pa tel në lidhje me frekuencat Ka dhe Ku të përdorura nga rrjeti Starlink i SpaceX ose satelitët e ardhshëm të Projektit Kuiper të Amazon. Frekuenca e brezit V lejon transferimin më të shpejtë të të dhënave, por mbart një rrezik më të lartë ndërhyrjeje sepse frekuencat më të larta kanë më shumë probleme për të kaluar nëpër objekte të forta.
SpaceX ka shprehur më parë shqetësim për propozimin e Boeing sepse orbita e ulët tashmë është e mbingarkuar dhe satelitët e rinj do të rrisin rrezikun e një përplasjeje.
Boeing tani ka gjashtë vjet për të lëshuar gjysmën e konstelacionit të tij satelitor dhe nëntë për të përfunduar të gjithë rrjetin. Kompania i kërkoi FCC-së të zbuste këto kërkesa, por kërkesa u refuzua.
SpaceX dhe Amazon kanë plane shumë më të mëdha për rrjetet e tyre pasi planifikojnë të lëshojnë mijëra satelitë.
