Dy xhudistet e Kosovës, Aktina Osa (52 kg) dhe Flaka Loxha (57 kg), janë eliminuar nga garat e Festivalit Olimpik Evropian për të rinjtë – ‘Tbilisi 2015’. Osa vërtet bëri luftë të fortë në rrethin e parë, kur u mund nga izraelitja Shir Kellner. Ose e humbi një luftë të stërzgjatur nga izraelitja, gjithsej 5 minuta e 55 sekonda. Ndërkaq, garuesja tjetër, Loxha shënoi një fitore e pësoi një humbje. Ajo fillimisht e mposhti për 4 minuta austriaken Julia Laber, por në rrethin e dytë humbi pas katër minutave nga Emilia Kanerva e Finlandës. Loxha në repezazh pësoi humbje pas një minute e 20 sekonda nga garuesja gjermane Xenia Cobane.