Bologna është e gatshme të diskutojë transferimin e Mario Balotellit, në rast se ai i zvogëlon kërkesat ekonomike.
Edhe pse të dielën, menaxheri gjeneral, Claudio Fenucci, deklaroi se sulmuesi i Liverpoolit nuk përshtatej në planet e klubit, ai tash ka ndërruar mendje.
“Do të ishim të gatshëm të diskutonim në rast se ai i zvogëlon kërkesat ekonomike”, është shprehur Fenucci për Corriere dello Sport.
Një tjetër drejtor i Bolognas, Pantaleo Corvino, po ashtu e ka hapur derën për Balotellin dhe Antonio Cassanon.
“Do ta transferoja Marion, sepse do të ishte shumë i motivuar...Cassano po ashtu mund t’i japë edhe shumë futbollit italian”, ka theksuar Corvino.