Futbollisti brazilian i Zenitit, Hulk, pa dyshim që është lojtari me këmbën e majtë më të fuqishme në botë.
Disa ditë më parë ylli brazilian plasi një top futbolli teksa e goditi atë me të majtën e tij dhe shkaku ishte forca e jashtëzakonshme e goditjes.
Së fundi, ai ka qenë sërish protagonist i një incidenti jo normal.
28-vjeçari ka ngritur në ajër një shok të skuadrës teksa po lidhte lidhëset e këpucëve gjatë një seance stërvitore me ekipin rus.
Në të vërtetë bëhet fjalë për një reklamë të një pije energjike. Kompania ka zgjedhur pikërisht fuqinë e natyrshme të lojtarit për t'i bërë reklamë efektit të pijes.
