Si zakonisht, edhe këtë vit, në Leverkusen do të organizohet turneu i madh humanitar në futboll. Ky turne organizohet nga shqiptarët që jetojnë dhe veprojnë në Diasporë dhe pritet të jetë interesant. “Ky turne ka për qëllim primar ndihmë familjet e varfra në Kosovë e gjetiu.
Vitin e kaluar duke iu falënderuar pjesëmarrjes së shumë ekipeve nga të gjitha anët e Gjermanisë, arritëm që katër familjeve në Kosovë t’ua bëjmë festën e bajramit pak më të lehtë, që për fat të keq kaq të shumta janë. Ky turne na bashkon bashkëkombësit tanë anembanë Diasporës, duke e ditur që tanimë pjesëmarrjen e kanë paralajmëruar ekipet nga Belgjika, Holanda e Zvicra”, thuhet nga organizatorët Emin Haziraj, Fuat Uka, Agim Krasniqi dhe Bedri Luma.
