Yaya Toure nuk e hedh poshtë mundësinë që t’i bashkohet Paris Saint-Germainit, gjatë kohës kur po spekulohet për një interesim të kampionit francez.
Mesfushori i Manchester Cityt ka probleme me formën këtë sezon dhe thuhet se nuk është i lumtur në Etihad Stadium.
Laurent Blanc dëshiron shërbimet e futbollistit nga Bregu i Fildishtë, i cili ka refuzuar ta mbyllë derën – transmeton Telegrafi.
“Nuk e dimë”, ka thënë ai për RMC, kur është pyetur për mundësinë e kalimit te PSG.
“E rëndësishme është të vazhdoj punën time, nuk dihet se çfarë mund të ndodhë nesër”.
“Gjithmonë ekziston objektivi për të luajtur te klubet e mëdha dhe për të fituar trofe”, është shprehur Toure.
