Pas incidentit që ndodhi në Kavajë reagon i irrituar presidenti i Besës, Nexhat Bizhdili. Numri 1 i verdhezinjve akuzoi gjyqtarin kryesor Sadiku duke deklaruar se ai dhe anësorët Doda e Biçaku ishin përgjegjësit kryesorë për atë që ndodhi. Ai shtoi se kryesori Sadiku i kishte mohuar dy 11-metërsha të pastër skuadrës së tij dhe se treshja e gjyqtarëve kishin si synim të mundnin skuadrën e Besës pasi Laçi nuk e bënte dot i vetëm.
Gjithsesi Bizhdili theksoi se për të tilla ndeshje nuk ka çfarë t’i thotë ekipit të tij dhe se arbitra të tillë imponojnë dhunën në stadiumet shqiptare.