Të rinjtë në Prishtinë të zhgënjyer nga miqësia - Bota Sot
Të rinjtë në Prishtinë të zhgënjyer nga miqësia

Prishtina

E enjte, 16 gusht 2018

Të rinjtë në Prishtinë të zhgënjyer nga miqësia

Më: 4 shkurt 2018 Në ora: 16:11
Prishtinë

Të rinjtë në Prishtinë thonë se janë të zhgënjyer nga shoku dhe shoqja e tyre për arsyeje se janë tradhtuar dhe kjo ka bërë që të humbin besimin, por ka edhe nga ata që mendojnë se ia vlen të kesh miqësi, vetëm që duhet të ketë kujdes në përzgjedhje.

E pazëvendësueshme, joformale, e hapur, që përshtatet me lehtësi. Më shumë se dashuria dhe familja, miqësia është lidhja më e fortë dhe më e sigurt e kohës.

Në ditën ndërkombëtare të shokut dhe shoqes, të rinjtë thonë se nuk duhet të ketë besim të tepërt tek shoqja apo shoku, megjithatë ata shpesh mund të ndihmojë në zgjedhjen e problemeve të ndryshme.

Për Besarta Morinën miqësia është diçka çka duhet me pas besim, por se ka pas miqësi.

Morina: Ka pak shoqëri në ditët e sodit

“Shoqëria është diçka që duhet me iu besu, por problemi është se ka pak shoqëri në ditët e sodit, mundem me thënë prej krejt shoqërisë çka kom janë dy ose tre që mundem t’i besoj. Besoj që ia vlen puna që çdoherë në qoftes ke diçka, është dikush që të ndihmon, do me thënë prej shumë shoqërisë dikush mundet me dal me të ndihmu. Fjalët dalin prej shoqërisë ma të ngushtë, se nuk është dikush që keni shoqëri pak më të largët mundet me ditë fjalët e tuja ose senet e tuja sekrete, është dikush i afërm që t’i tregon fjalët e tuja”, tha ajo.

Kurse, Taulant Isma tha se besimi është shkurtuar pasi tradhtitë po bëhen mes shokëve.

Isma: Besimi është shkurtuar mbas asaj çka bëjnë shoqëria

“Si krejt tjerët edhe unë kam shoqëri. Kohëve të fundit besimi pak është shkurtu në aspektin që mbas asaj çka banjë shoqëria, shoku për shokun ose shoqja për shoqen, besimi është një çështje që shumë duhet me fol për to, ditën e sodit edhe po mënoj që besimi jo i tepërt, se në ditët e sotit tradhti po bëhen mes shokëve ose ofendimet. Pa marrë parasysh, gjithmonë besimi është një çështje që se di me fol për besimin. Ja vlen mi pas shokët që i ki pas prej femërisë, që je rrit me ata, se për shokët që i bën aty për aty ose që ki një kohë të shkurt, që njihesh me ta nuk e kish vlersu, me u shpreh me ta, me i tregu diçka që ka të bëj me personalitetin tim ose me senet e mija personale të jetës ose të familjes”, tha ai.

Fikrete Rudari tha se shoqërinë e ka pak nga shkolla e mesme por më shumë nga fakulteti për arsyeje se janë më të lidhur.

Rudari: Secili jemi të zhgënjyer prej shoqërisë

“Si gjithë të rinjtë në Kosovë po mënoj shoqërinë e kemi pak prej shkollës të mesme, më shumë tash prej fakultetit, pasi që jemi lidhë më shumë. Në rrethin e ngushtë të shoqërisë, do më thënë që kam besim, ka pas raste prej më të ndryshmeve kur secili jemi zhgënjyer prej shoqërisë, prej personave të caktuar. Thjesht duhet me kanë të kujdesshëm përzgjedhjen e shokëve dhe shoqeve edhe definitivisht ia vlen”, tha ajo.

Pothuajse në të gjitha kulturat, miqësia kuptohet dhe perceptohet si një marrëdhënie e barabartë, e bazuar te respekti, vlerësimi dhe gatishmëria reciproke.

Komentet
comments powered by Disqus
Sot mund të lexoni Shfletoni kopertinat
Sondazh
test