‘Rolling Stone’ ka ndarë me ndjekësit kopertinën globale të muajit shkurt, dhe kjo është askush tjetër veçse sensacionit të momentit, Dua Lipa. Intervista nga Brittany Spanos, ‘Dua Lipa Is Done Being a Mystery’, thellohet në botën e shumanshme të ikonës së popit. Lipa flet për albumin e saj të tretë të shumëpritur, për jetën e saj private dhe qëndrimin e saj të guximshëm për çështjet politike, veçanërisht konfliktin Izrael-Palestinë. Dhe sigurisht për Kosovën dhe shqiptarët…
Pikat kryesore të intervistës
Shqiptarët gjithandej
Gazetarja e “Rolling Stone” shkruan se flokët e saj të lyer me një ngjyrë të kuqe, e dallojnë menjëherë duke shtuar se- kjo mund të jetë arsyeja pse pronari, i restorantit ku po bënin intervistën, i cili e njeh babanë e saj dhe është gjithashtu me origjinë shqiptare,- i dërgon një ëmbëlsirë falas.
“Shqiptarë gjithandej”, thotë Dua duke ngritur supet.
Një udhëtim muzikor i papërpunuar
Dua ka ndarë disa detaje mbi albumin e saj të ardhshëm, duke premtuar një përvojë më ‘të papërpunuar’. Ajo shpreh dëshirën për të kapur thelbin e rinisë, lirisë dhe paparashikueshmërisë së jetës.
“Ky album duket pak më i papërpunuar. Unë dua të kap thelbin e rinisë dhe lirisë duke u argëtuar dhe thjesht duke i lënë gjërat të ndodhin, qofshin ato të mira apo të këqija. Ju nuk mund ta ndryshoni atë. Thjesht duhet të ecësh para me çdo gjë që po ndodh në jetën tënde.”
Akti Balancues: Puna dhe Jeta
Intervista eksploron qasjen e Lipës për ndarjen e punës dhe jetës së saj personale. Ajo thekson dëshirën për të jetuar në mënyrë autentike dhe për të shmangur polemikat e sajuara për hir të vëmendjes.
“Më pëlqen të jetoj jetën time, të fotografoj, të shkruaj këngët e mia dhe të ha… Nuk jam e interesuar të përpiqem të jem kontroverse apo të bëj diçka për vëmendje.”
"Unë nuk e di nëse njerëzit e besojnë se mua më pëlqen të lexoj libra, apo nëse njerëzit e besojnë se këto biseda janë të miat. Unë mendoj se kjo është një nga ato gjëra që njerëzit duan nga të famshmit. Ata nuk duan që ju të jeni politikë. Ata nuk duan që ju të jeni të zgjuar”.
Zbulimi i misterit
Duke adresuar perceptimin e saj si një figurë misterioze, Lipa pohon identitetin e saj britanik dhe sfidon idenë e të famshmëve që nxjerrin hapur jetën e tyre personale për konsum publik.
“Mendoj se jam britanike… Nuk mendoj se jam këtu për të thënë gjithçka në një talk show sepse do të jetë mirë për një cikël lajmesh ose për të tërhequr vëmendjen… Aq sa njerëzit mendojnë se i njohin njerëzit që mbështesin , në fakt nuk mendoj se ata dinë asgjë për ta gjithsesi.”
“Vacanza Queen”
Lipa i përgjigjet pseudonimit "mbretëresha vacanza" që i është dhënë nga fansat, duke mbrojtur të drejtën e saj për të marrë një pushim pas një turneu të ngjeshur.
“Sigurisht, do të shkoja në pushime gjatë vitit që po regjistroja albumin dhe kisha pak kohë pushim. Për sa kohë që unë jam duke bërë punën time, duke arritur afatet e mia dhe duke përfunduar punën time, atëherë do të gjej një mënyrë për t'u çlodhur gjithashtu. Puno shumë dhe luaj shumë. Pse jo?"
Ndarjet dhe lidhjet
Duke reflektuar për një ndarje, Lipa ndan perspektivën e saj për ndarjet pa armiqësi.
“Kur ke një ndjenjë të tillë, ndihesh vërtet i rritur sepse thua: “Oh, unë jam një qenie njerëzore aq e evoluar saqë mund ta shoh ish-in tim duke ecur përpara dhe të ndihem mirë për këtë”. Kam pasur ndarje në jetën time kur gjërat thjesht përfunduan shumë keq. Gjërat që përfunduan në një mënyrë të bukur ishin një gjë e re…Më mësuan shumë.”
"Datings(të njohësh njerëz në mënyrë romantike), mendoj në përgjithësi, është thjesht pak konfuz. Ndodh nëpërmjet shokëve të përbashkët ose njerëzve të cilëve ju besoni se mund të takoni njerëz të rinj, sepse dating nuk është vërtet aq i drejtpërdrejtë kur je një person publik”.
Këshilla për artistët e rinj
Duke ofruar këshilla për artistët e rinj, Lipa thekson rëndësinë e vëmendjes së hershme ndaj industrisë.
“Jini të vëmendshëm që herët, veçanërisht në aspektin e biznesit… Unë nuk mendoj se ua thonë këtë artistëve të rinj. Gjithçka ndihet kaq emocionuese në fillim, dhe sigurisht që është, por është mirë të kesh njohuri dhe të kujdesesh për veten.”
Qëndrimi i Dua Lipës për konfliktin Izrael-Palestinë
Në një segment të dukshëm, Lipa trajton pikëpamjet e saj për konfliktin Izrael-Palestinë. Lipa shpreh empatinë për jetët e humbura izraelite, por nënvizon urgjencën e trajtimit të krizës humanitare në Gaza.
"Ekzistenca ime është në një farë mënyre politike, fakti që unë jetoj në Londër është për shkak se prindërit e mi u larguan nga lufta. Nga përvoja ime në Kosovë dhe kuptimi i asaj që bën lufta, askush nuk dëshiron me të vërtetë të lërë shtëpinë e tyre. E bëjnë për mbrojtje, për të shpëtuar familjen e tyre, për tu kujdesur për njerëzit përreth tyre, për një jetë më të mirë.Ndihem shumë keq për çdo jetë izraelite të humbur dhe çfarë ndodhi më 7 tetor...Për momentin, ajo që duhet të shikojmë është se sa jetë janë humbur në Gaza, civilë të pafajshëm.”
Memet virale për kërcimin e saj
Ajo foli edhe foli për memet virale të kërcimeve në 2018-n kur performoi "New Rules" në BRIT Awards 2018.
"Do të gënjeja nëse do të thoja se nuk më interesonte ajo që mendonin kritikët. Ishte vërtet e dhimbshme, sepse më në fund mund të bëja diçka që më pëlqen ta bëj dhe thjesht nuk mund ta bëja siç duhet. Lëvizja nëpër botë. Shumë promo, shumë prova, gjithçka dhe pa pasur kohë për të përsosur asgjë.”
Në këtë intervistë magjepsëse me ‘Rolling Stone’, Dua Lipa shfaqet jo vetëm si një forcë muzikore, por si një artiste e zhytur në mendime dhe e angazhuar që lundron në kompleksitetin e famës, marrëdhënieve dhe çështjeve globale me hijeshi dhe autenticitet.
