Aktori i njohur amerikan Charlie Sheen është sulmuar nga një grua në shtëpinë e tij në Malibu, në Los Anxhelos.
Sulmi ndodhi të mërkurën rreth orës 13:00 me orën lokale (21:00), ndërsa ai mori ndihmë mjekësore në vendngjarje, por nuk iu desh të shkonte në spital.
Policia ka arrestuar 47-vjeçaren Electra Schrock, për sulm me armë dhe vjedhje banese.
Zonja Schrock, e cila thuhet se është një fqinje e aktorit, u arrestua gjithashtu për sulmin fizik i cili mund të shkaktonte lëndime të mëdha trupore.
TMZ raporton se gruaja u përpoq të mbyste zotin Sheen dhe grisi këmishën pasi ai hapi derën e tij të përparme.
Sipas Los Angeles Times, zonja Schrock në fillim të këtij viti është akuzuar për abuzim me të moshuarit, ndërsa thuhet se autorja do të dalë përpara gjykatës javën e ardhshme.
