Marka e kozmetikës së Selena Gomez, “Rare Beauty”, ka shpërndarë një mesazh pro Palestinës, pasi këngëtarja u kritikua për postimin e saj me gjysmë zemre dhe tha se po fshinte Instagramin.
Ylli i popit ndau mesazhin e saj të shkurtër javën e kaluar duke thënë “ne duhet të mbrojmë të gjithë njerëzit” dhe duke shtuar, “uroj që të mund ta ndryshoja botën, por një postim nuk do të ndryshojë asgjë”.
Ajo u kritikua për dështimin në marrjen e një qëndrimi përfundimtar për konfliktin dhe se nuk u përgjigj më shpejt.
Tani marka e saj duket se ka ndërhyrë për të sqaruar qëndrimin e saj.
Të hënën, “Rare Beauty” postoi një foto që dënonte si sulmet terroriste të 7 tetorit ashtu edhe vdekjen e “mijëra civilëve të pafajshëm palestinezë”, shkruan DailyMail.
Kompania tha: “Mijëra civilë të pafajshëm palestinezë janë vrarë në sulmet ajrore izraelite dhe miliona civilë janë zhvendosur dhe lënë pa akses në ushqim, ujë, ilaçe ose nevoja themelore për mbijetesë”.
“Një numër i madh i këtyre viktimave janë fëmijë. Civilët palestinezë duhet të mbrohen, pike”.
“Ne denoncojmë me forcë çdo dhe të gjitha format e antisemitizmit dhe islamofobisë”, vazhdoi më tutje kompania.
