Justin Timberlake i bllokoi të gjitha komentet në Instagram pasi mori reagime ndaj librit të Britney Spears, “The Woman In Me”.
Një burim tregoi për Page Six se anëtari i “NSYNC” e mori vendimin për shkak të ‘gjërave të urrejtjes, të neveritshme që njerëzit po thoshin”.
Timberlake, 42 vjeçar, është kritikuar shumë që kur këngëtarja e “Gimme More”, 41 vjeçe, hodhi disa bomba në lidhje me marrëdhënien e tyre trevjeçare, duke përfshirë se ajo kishte një abort kur ata ishin bashkë.
“E doja shumë Justinin. Gjithmonë kam pritur që një ditë të kemi një familje së bashku. Kjo do të ishte shumë më herët se sa e kisha parashikuar”, shkroi ajo në libër.
“Por Justin definitivisht nuk ishte i lumtur për shtatzëninë. Ai tha se ne nuk ishim gati të kishim një fëmijë në jetën tonë, se ishim shumë të rinj”.
Spears gjithashtu pretendoi se Timberlake – me të cilin ajo ishte në lidhje nga viti 1999 deri në 2002 – e kishte tradhtuar atë me një grua të famshme.
Ylli i muzikës pop nuk e bëri të ditur emrin e personazhit të famshëm sepse “ajo tani është e martuar me fëmijë” dhe “nuk dëshiron që të ndihet keq”.
Britney mes tjerash ka folur edhe për martesat e saj të dështuara.
