Nën organizim të disa shoqatave qytetare, sot në orën 11:00 para Kuvendi të Maqedonisë do të mbahet protestë, kundër ligjit për përdorimin e gjuhëve, i cili sipas organizatorëve është antikushtetues dhe diskriminues.
Organizatorët ju bëjnë thirrje popullit maqedonas dhe votuesve në vend që nesër të dalin në foltore para Kuvendit dhe të shprehin mednimet dhe qëndrimet e tyre për ligjin e gjuhëve.
“Me votimin e tij rrënohen themelet e një shteti, që çon drejt destabilizimit dhe federalizimit të tij, do të rriten urrejtjet etnike dhe do të prishet shoqërua”, thonë organizatorët.
Ata më tej shtojnë se këto protesta janë vazhdimësi e atyre para gjashtë muajve. Dhe se edhe ditën e hënë do të ketë protesta para Kuvendit.
