Ministri i mbrojtjes së Maqedonisë, Zoran Jolevski, mbrëmë në kuadër të pjesëmarrjes në forumin për siguri në Halifaks, është takuar me zv.sekretarin gjeneral të NATO-s Rose Gottemoeller, me të cilin diskutoi rreth integrimit të Maqedonisë në NATO, krizën e refugjatëve dhe zgjedhjet e parakohshme.
Sipas njoftimit të MPB-së, Jolevski ka informuar sekretarin e NATO-s për reformat në sektorin e mbrojtjes dhe modernizimin e ARM-së.
“Jolevski ka theksuar se Maqedonia i ka përmbushur kushtet për antarësim në NATO prej vitit 2008, por për shkak të arsyeve gjeopolitike në Evropë dhe botë është shtyrë integrimi i Maqedonisë në NATO”, thuhet mes tjerash në njoftimin e MPB-së.
Zv.sekretari gjeneral i NATO-s Rose Gottemoeller përshëndeti reformat dhe zmadhimin e buxhetit në Ministrinë e Mbrojtjes.
