Zëvendësministri plotësues i Bujqësisë, Pylltarisë dhe Ekonomisë së Ujërave, Ljupço Nikollovski sot sërish i bëri thirrje drejtorit të Agjencisë për Ushqim dhe Veterinari të përgjigjet përse shitet pije alkoolike me përmbajtje të lartë të kofeinës dhe përse nuk është respektuar mendimi nga Instituti për Shëndet Publik.
Sipas Nikollovskit, përgjigja e djeshme nga Agjencia për Ushqim dhe Veterinari tregon për joprofesionizmin dhe jokompetencën e këtij institucioni.
“Drejtori i AUV-së dukshëm nuk e din se në shtator të vitit 2015 vetë ka sjellë rregullore të re me të cilën është vënë jashtë fuqisë rregullorja në të cilën mbështetet AUV në reagimin e tyre nebuloz. Nëse ishin kompetentë, ata do të dinin se mendimi profesional laboratorik dhe analiza nga Instituti për shëndet publik i RM-së ka të bëjë mu me kombinimin e alkoolit me sasi të lartë të kofeinës dhe ndikimi ndaj organizmit të njeriut, e jo me shënjimin”, deklaroi Nikollovski.
Ai tha se nuk është e saktë se mendimi profesional nuk është me kërkesë të AUV-së sepse, siç theksoi, ekzemplari është marrë nga një inspektor i tyre nga vendkalimi kufitar Bllacë dhe i është dorëzuar Institutit për shëndet publik.
