Kryetari i Shkupit Koce Trajanovski do të harxhoj 3.165.000 euro shtesë për ndërtimin e Shtëpisë së qytetit në Kala, objekt që është i dedikuar për administratën e Qytetit të Shkupit.
Ndërtimi i këtij objekti barok nisi në vitin 2011 por punimet kryheshin ngadalë, pasi që ndërtesa është larg pamjes finale.
Kur u vendos gur themeli u paralajmërua se objekti do të kushtoje 14.6 milion euro, ndërsa për ndërtimin e objektit u obligua kompania Beton Shkup. Megjithatë, para disa kohësh qyteti vendosi se janë të nevojshme mjete shtesë, për shkak të së cilës është kontraktuar me firmën, pa shpallje publike.