Prokuroria Publike nuk e ka larguar prokurorin Jovan Ilijevski nga pjesëmarrja në procesin gjyqësor “puç”, ashtu siç ishte njoftuar, ka njoftuar LSDM-ja.
Ilijevski është baxhanak me shefin e DSK-së, Sasho Mijallkov dhe ka qenë në qendër të kritikave për mundësinë që të ndikojë në këtë proces gjyqësor në të cilin janë ngritur padi për tentativa për ta rrënuar pushtetin e ligjshëm, ku përfshihet edhe lideri i LSDM-së, Zoran Zaev.
“Me këto pretendime, Prokuroria Publike dëshmoi edhe një herë se punon nën ndikim dhe kontrollin e plotë të Gruevskit dhe Mijallkovit. Ilivski, si shef i Departamentit kundër krimit të organizuar ka mundësi të ndikojë qoftë në mënyrë direkte apo indirekte ndaj prokurorit që procedon rastin ‘Puçi’”, ka deklaruar Shillegov, gjatë konferencës së sotshme për gazetarë.
