Epidemia e hepatitit ose verdhëzës në Shkup shënon rënie të intensitetit.
Këtë e tregon numri i të prekurve gjatë javës së fundit.
Sipas të dhënave zyrtare, javën e fundit janë shënuar 19 raste me sëmundjen e hepatitit, 7 nga të cilët janë infektuar përmes kontakteve me persona të sëmurë.
Rastet e reja nga java e fundit e çojnë numrin e të prekurve, nga fillimi i vitit e deri sot, në 283 persona.
Nga ky numër i përgjithshëm, janë kuruar 99 persona ose 34.9 për qind, ndërsa në Klinikën Infektive vazhdojnë të jenë të hospitalizuar 25 persona.
Sipas të dhënave, numri më i madh i të sëmurëve janë nga lagjja Shuto Orizarë e Shkupit.
