Rezultatet jo të mira nga ana e maturantëve është vërtetimi më i mirë i politikave të dobëta në arsim. Mesatarja 3, e marrë nga nxënësit, tregon se rritja e numrit të testeve nuk tregon automatikisht më shumë dije,por më shumë stres.
Këta nxënësit janë pjesë e eksperimenteve të ndryshme. Kështu tha mes tjerash Dina Spirovska, anëtare e Komitetit ekzekutiv të LSDM-së. Por reagimi i VMRO-së ka qenë ky:
“LSDM në vend se të ofrojë program konkret në interes të të rinjve, tenton që me çdo çmim dhe në mënyrë të paargumentuar të sulmojë reformat që në afatgjatë nënkuptojnë mbarëvajtje të arsimit dhe përparim të Maqedonisë”, kanë thënë në VMRO.
Sivjet nxënësit e maturës duheshin tu nënshtrohen testeve të ndryshme eksterne, në janar dhe gjithashtu në maj, ku në total ishin 7 teste, për vetëm 5 muaj.
Sipas përfaqësuesve të opozitës maqedonase, kjo ka bërë që për të rinjtë të mos ketë pushime verore dhe se partia në pushtet, VMRO, të mos kuptoje mirë kërkesat e të rinjve.
