Lideri i Partisë Demokratike Shqiptare, Menduh Thaçi ka vijuar me tubimet parazgjedhore në Koborishtë të Strugës.
Ai tha se Ali Ahmeti po përdor kohët e fundit një fjalor të vrazhdë dhe të ashpër. Sipas tij, kjo vjen për shkak se BDI po e kupton se po e humbet pushtetin që ka.
"Fjalori i ashpër i tyre vjen si rezultat i frikës së jashtëzakonshme se këtë herë realisht do ta humbin pushtetin. Na kanë përballë neve që kemi ndenjur me vite në opozitë", tha Thaçi.
Ndërkaq, në fjalën e tij kandidati për president, Iljaz Halimi u shpreh se ky është një rast i artë për shqiptarët që ti bashkojnë votat për të zgjedhur në krye të shtetit një shqiptar.