Targat e veturës 3Z-118-15 janë të Ministrisë së Tregtisë dhe Industrisë. Zyrtarë të Qeverisë së Kosovës kanë konfirmuar se vetura që ishte e parkuar para një moteli, është e Ministrisë së Tregtisë dhe Industrisë.
Ende nuk po dihet nëse këtë veturë e vozitë ndonjëri prej Zëvendësministrave apo këshilltarëve në këtë Ministri.
Ministri i Tregtisë dhe Industrisë, Bajram Hasani, ka thënë për Express se i duhet pak kohë për ta zbuluar se kush ishte shofer i veturës së MTI’së që ishte e parkuar para një moteli.
“Brenda pak kohësh e konfirmoj se kush ka qenë shoferi”, ka thënë Hasani.
Mbrëmë janë publikuar disa foto të zyrtarit të Qeverisë i cili kishte parkuar veturën para një moteli në Malishevë.
Ndërkohë, Kryeministri Ramush Haradinaj pati premtuar se do të marrë masa ndaj secilit që keqpërdorë veturat zyrtare.
Zyrtari i Qeverisë së Kosovës ka dërguar pjesë të Udhëzimit ku shihet se veturat që përfundojnë me numrin 15 janë të Ministrisë së Tregtisë dhe Industrisë.
