Ministri i Punëve të Jashtme të Serbisë, Ivica Daçiq në New York ka kundërshtuar homologun e tij nga Kosova Behgjet Pacolli për pranimin e Kosovës në UNESCO.
Daçiq i ka quajtur të pavërteta të thënat e Pacollit se Kosova ka siguruar votat për pranimin në këtë organizatë.
Ai ka thënë se Serbia e ka forcuar pozicionin e saj për të kundërshtuar pranimin e Kosovës, shkruan media serbe.
“Tash për tash nuk ka indikacione nëse Kosova do të aplikojë, por thuhet ashtu. Ata kanë humbur herën e kaluar dhe të do të humbin edhe herën e ardhshme që do të aplikonin”.
“Ju rekomandoj që të mos aplikojnë fare”, ka thënë Daçiq.
“Është një gënjeshtër e madhe e Behgjet Pacollit që Kosova ka mjaftueshëm vota për pranim në UNESCO. Ne kemi zhvilluar mjaftueshëm takime bashkë me presidentin Aleksandër Vuçiq dhe kemi folur me secilin”, ka shtuar ai.