Me nderime të larta ushtarake dhe në praninë të shumë bashkëveprimtarëve dhe figura të njohura publike është varrosur në Prishtinë veprimtari i çështjes kombëtare Shasivar Makolli.
Veprimtari Makolli ka ndërruar jetë dje papritmas në moshën 66 vjeçare.
I ndjeri Makolli që nga viti 1981 e deri në çlirimin e Kosovës ka punuar pa reshturpër organizim dhe fuqizim të rezistencës kundër pushtuesit serb.
Bashkëveprimtarët e tij e kujtojnë atë si një njeri që tërë jetën ia ka kushtuar çështjes kombëtare.
Shaban Muja e kujton të ndjerin si një njeri që kishte vullnet të madh për të punuar për Kosovën ndërsa humbja e tij, sipas Mujës do të lë boshllëk të madh në shoqëri.
Muja: Shasivari shquhej për reflektim pozitiviteti
“Shasivar Makollit na la të stepur të gjithëve, sepse nuk e pritëm që Shasivari, i cili shquhej për reflektim pozitiviteti, për vullnetin e madh që kishte, të na lë, duke krijuar një boshllëk të madh në shoqërinë tonë, ndaj e kamë shumë të vështirë të gjej fjalë për të shprehur dhimbjen, por edhe për të përshkruar jetën e jashtëzakonshme që jetoj shoku ynë”,tha Muja gjatë fjalës lamtumirëse.
Shasivar Makolli gjatë vitit 1999 ka punuar në zyrën e përfaqësuesit politik të UÇK-së në Prishtinë Adem Demaçit.
Në emër të kësaj zyreje një fjalë rasti ka mbajtur Albin Kurti, që ka qenë edhe zëdhënës i UÇK-së.
Albin Kurti e kujton Makollin si njërin ndër veprimtarët që ka rrezikuar jetën për lirinë e popullit
Kurti: Shasivari veprimtar që rrezikoi jetën për lirinë e popullit
“Jemi mbledhur sot këtu që t’i japim lamtumirën e fundit këtu ‘Çalit’, një njeriu dhe një shqiptari, këtij qytetari e këtij veprimtari, i cili jo vetëm që shpesh e rrezikoi jetën e vetë për lirinë e popullit, por e rrezikoj atë vazhdimisht, sikur para luftà «s ashtu edhe pas luftës. Të gjithë veprimtarët e çështjes kombëtare e dinë mirë se për luftën çlirimtare ka shumë punë përgatitore dhe lufta nuk bëhet pa atë punën që i paraprin luftës dhe aty një rol shumë të rëndësishëm kishte ‘Çali’ ynë. Ai nuk e kurseu veten e tij as familjen e tij duke bërë me dhjetëra udhëtime të rrezikshme nëpër rrugë vdekjeprurëse... Ne ‘Çalin’ do ta kujtojmë ashtu siç ishte përherë. Pra i qeshur e i dashur pavarësisht situatës, pavarësisht vendit e kohës”,tha Kurti.
Me rastin e vdekjes së veprimtarit Shasivar Makolli kanë arritur shumë telegrame ngushëllime nga të gjitha hapësirat shqiptare dhe nga diaspora. Telegrame ngushëllimi kanë ardhur nga Fondi “nderi i kombit, Adem Demaçi”, Shoqata Kulturore “Mëmëdheu” nga Zvicra, “Lëvizja për Integrime” e Luginës së Preshevës, etj.
Në varrim të Makollit kanë marrë pjesë deputetë të Kuvendit të Ko sovës dhe ministra të Qeverisë së Kosovës dhe përfaqësues të partive politike.
