Nëse duhen refuzuar apo jo tendencat e opozitës për uzurpimin e shesheve dhe festave, apel ky që është bërë edhe nga kryeministri Isa Mustafa, nuk po vendoset shumë nga qytetarët dhe as që ka një debat lidhur me këtë.
Partitë opozitare tanimë duket të jenë krejtësisht të vendosura që me rastin e përvjetorit të tetë të pavarësisë së Kosovës që të mbajnë protestën e radhës e që në fakt pamundëson kremtimin e pavarësisë. Në këtë mënyrë qytetarët gati e kanë krejtësisht të pamundësuar që të shënojnë siç duhet festën më të rëndësishme shtetërore në Republikën e Kosovës.
Sheshi kryesor i Prishtinës, i cili përbëhet nga tre minisheshe, me 17 shkurt do të shndërrohet në arenë të opozitës. Edhe nga ana e zyrtarëve të vetë pozitës, nuk cënohet e drejta për të protestuar, e as për të promovuar kërkesa politike, por vërehet një pakënaqësi e madhe lidhur me tendencën që të uzurpohet sheshi i Prishtinës atëherë kur ai është shumë i nevojshëm për të shënuar përvjetorin e pavarësisë.
(Tekstin e plotë mund ta lexoni të hënën në publikimin e shtypur të gazetës kombëtare “Bota sot” në Kosovë dhe diasporë)
