Në orët e hershme të mëngjesit të sotshëm (04.08.2015) Inspektorati Policor i Kosovës (IPK) është njoftuar për një incident me të shtëna me armë zjarri ku dyshohej se është përfshirë edhe një zyrtar policor i cili nuk ishte në detyrë zyrtare.
Incidenti është raportuar të ketë ndodhur në fshatin Prelez të Ferizajt në afërsi të një lokali.
Ekipi në thirrje i hetuesve të IPK-së është përgjigjur me urgjencë në vendin e ngjarjes. Tre persona kanë mbetur të plagosur si pasojë e përdorimit të armës së zjarrit dhe të njëjtit janë dërguar menjëherë për trajtim mjekësor.
Hetuesit e IPK-së të cilët janë akoma në vendin e ngjarjes janë në kontakt të vazhdueshëm me prokurorin kompetent lidhur me veprimet hetimore bazuar në Kodin e Procedurës Penale. Si pjesë e këtyre veprimeve hetimore është bërë këqyrja e vendit të ngjarjes dhe janë marrë disa deklarata nga persona të dyshuar dhe dëshmitar të rastit.
Për këtë incident deri tani nga IPK-ja janë arrestuar dy të dyshuar (njëri ndër ta zyrtari policor) të cilëve me vendim të prokurorit u është caktuar masa e ndalimit për 48 orë.
Inspektorati Policor në konsultim me prokurorin kompetent do të ndërmarr të gjitha veprimet adekuate ligjore për të zbardhur detajet rreth këtij incidenti
