Gjykata e Apelit ka rikthyer në paraburgim dy serbët që akuzohen për krime lufte në Kosovë.
Aleksandër Llazoviq dhe Nebojsha Vujaqiq të cilët para dhjetë ditësh janë liruar nga gjykata Themelore e Mitrovicës që të mbrohen në liri janë kthyer sërish në paraburgim.
Mediat në gjuhën serbe në Kosovë bëjnë të ditur se këtë informatë e ka konfirmuar edhe avokati Zhivojin Jokanoviq i cili ka thënë se vendimin zyrtar e ka marrë sot më të cilin dy serbët kthehen në paraburgim.
Këta dy janë në mesin e pesë të akuzuarve për krime lufte gjatë vitit 1999 dhe 2000 në Mitrovicë.
Në këtë rast akuzohet edhe lideri i serbëve në veri të Mitrovicës Oliver Ivanoviq.