Kryeministri serb Aleksandër Vuçiç ka deklaruar se kërkesa e Gjykatës së Hagës për kthimin e tij në Njesinë e Burgimit në OKB “ësht imorale” dhe se dikush është zemëruar me fjalimet e tij për sulmet e NATO-s në Serbi.
Vuçiç është përkrahur dhe nga Ministri i PUnës, Vulin, i cili nënvizoi se nëpërmjet këtij vendimi kërkohet të rrëzohet qeveria e Aleksandër Vuçiç.
Gjykata e Hagës për krimet e luftës ka anuluar sot lirimin e përkohshëm të ish-liderit të akuzuar serb, Vojisllav Sheshel, i cili ishte liruar me arsyetimin se është i sëmurë me kancer. Tribunali i Hagës, sipas dokumenteve të tij, urdhëroi dhomën gjykuese që menjëherë ta anulojë lirimin e përkohshëm të Sheshelit dhe të urdhërojë kthimin e tij në Njësinë e Burgimit të Kombeve të Bashkuara” në Hagë.
Në muajin nëntor të vitit të kaluar, Tribunali i Hagës ka lejuar që Vojisllav Shesheli të kthehet në shtëpi në Serbi, për shkak të sëmundjes, derisa Gjykata e Hagës të vendos për akuzat për krime lufte gjatë luftërave në Ballkan.
Vetë Vojisllav Shesheli ka deklaruar sot se nuk do të kthehet vullnetarisht në Hagë.