Kryetari i Komunës së Prishtinës, Shpend Ahmeti ka njoftuar se në mbledhjen e ardhshme të Kuvendit Komunalë të Prishtinës do të diskutohet për zgjedhjen e problemeve të qeneve endacak në kryeqytet.
Ahmeti ka thënë se janë përgatitje të rregullores për mbajtjen e qenëve, në mungesë të udhëzimit administrativ të qeverisë.
“Javen e ardhshme, në mbledhjen e rregulltë të Kuvendit Komunal të Prishtinës do të kemi diskutim me anëtarët e Kuvendit për problemin e qenëve endacak në Prishtinë.
Do ti diskutojmë statistikat, dhe opcionet para nesh. Jemi në përgatitje të rregullores për mbajtjen e qenëve, në mungesë të udhëzimit administrativ të qeverisë.
Pas këtij diskutimi do ta bëjmë edhe diskutimin publik. Asnjëra zgjidhje nuk është e lehtë por në këtë moment prioritet është siguria publike”, thuhet në njoftimin e Ahmetiti. A.M
