Ministri i Ambientit, Planifikimit Hapësinor dhe Infrastrukturës Liburn Aliu, ka folur rreth projekteve infrastrukturore në vend.
Aliu në konferencën për media të mbajtur pas mbledhjes së qeverisë tha se ministria që ai e udhëheq ka strategji të qartë për të zhvilluar infrastrukturën dhe se do të merren seriozisht me problemin e vërshimeve.
“Ne edhe ndikojmë dhe ndikohemi, nga ana tjetër prej vështrimit të Kombeve të Bashkuara, Kosova po thuajse nuk ekziston fare. Është Konventa e Kombeve të Bashkuara për ndryshimet klimatike në të cilën Kosova nuk ka qasje as në ato mekanizma as në ato fonde dhe kjo është vërtet shqetësuese, por nga ana tjetër kemi mbështetje të madhe nga vendet mike që na ndihmojnë që ne në mënyrë bilaterale të fitojmë fonde sa i përket ndryshimit dhe adaptimeve klimatike”, tha ai.
Ai ka përmendur edhe çështjen e shpronësimeve në projektin Prizren-Prevallë dhe Doganaj-Shtërpcë, të cilat kanë ngecur shkaku i kësaj arsyeje.
