Ministri i Brendshëm i Kosovës, Skender Hyseni po qëndron për një vizitë në Washington, ku ka vizituar edhe zyrat e FBI-së.
Ai në një lidhje direkte me telefon në lajmet qëndrore të RTK-së, deklaroi se kanë pasur takime shumë të mira në departamentin e drejtësisë, konkretisht në departamentin e sigurisë së atdheut.
Hyseni tha se vëmendje i është kushtuar bashkëpunimit në fushën e rendit dhe ligjit. Ai tha se kanë nënshkruar edhe një marrëveshje bashkëpunimi me FBI-në, duke riafirmuar nevojën e bashkëpunimit mes dy vendeve.
"Në situatën që po kalon Kosova dhe vendet e botës me situatën e terrorizmit global është me rëndësi bashkëpunimi".
