Kryeministri Mustafa duke folur për vizitën e Gjeneralit Serb të akuzuar për krime lufte në Kosovë, Dikoviq, ka thënë se Qeveria nuk ka pasur fare informacione në lidhje me ardhjen e tij në Kosovë.
Ai ka thënë se askujt nuk i ka pëlqyer ardhja e tij në Kosovë, pasi që, sipas Mustafës, Dikoviq duhet të dalë para drejtësisë të përgjigjet për krimet që i ka kryer në Kosovë ai dhe njësia e tij.
Mustafa ka thënë se ardhja e tij dhe po ashtu marrëveshja e nënshkriar me KFOR’in, janë bërë me komunikim të drejtpërdrejtë të KFOR’it me Serbinë dhe se ardhja e tij është aprovuar nga NATO.
Këto komente, Mustafa i ka bërë në konferencën e jashtëzakonshme të thirrur në Qeveri.
