Naim Maloku e ka quajtur të papranueshme dhunën e shkaktuar në protestën e së shtunës. Ai ka thënë se e vetmja mundësi për daljen nga situata është që Qeveria e Kosovës ta bindë ministrin Aleksandër Jabllanoviq të tërhiqet dhe në vend të tij të emërohet dikush tjetër.
Në të kundërtën, sipas Malokut, nëse Jabllanoviqi shkarkohet, atëherë bie edhe qeveria.
Maloku ka thënë se ky është fillimi i fundit i qeverisë Mustafa, e cila, sipas tij, nuk do të mund të mbajë një ekuilibër politik deri në fund të mandatit.
Ai ka vlerësuar se kryeministri Isa Mustafa e ka humbur ekuilibrin dhe po tregon dobësinë e tij si politikan.
