Sekretari i Përgjithshëm i NATO-së, Jens Stoltenberg, ka thënë se "çështja e krijimit të Forcës së Armatosur të Kosovës është çështje e brendshme e autoriteteve kosovare".
Shefi i NATO-së i ka bërë këto komente pas takimit që pati në Prishtinë me komandantin e KFOR-it, Francesco Paolo Figliuolo.
Me këtë rast, ai ka shtuar se NATO-ja do të vazhdojë ta mbështes zhvillimin e FAK-ut.
Stoltenberg poashtu e ka vlerësuar lart punën e KFOR-it në Kosovë.
“Misioni i KFOR-it është storie e suksesit duke pasur parasysh se para 16 vjetësh këtu ka pasur luftë dhe tani Kosova është vend i sigurt" tha ai, transmeton klankosova.
Ndërkaq, sa i përket luftës kundër terrorizimit, Stoltenberg, ka potencuar se terrorizmi është një kërcënim i përgjithshëm .
Sekretari i Përgjithshëm i Aleancës Veri-Atlantike gjatë qëndrimit në Kosovë do të takojë presidenten, Atifete Jahjaga, kryeministrin, Isa Mustafa dhe ministrin e Punëve të Jashtme, Hashim Thaçi.
