Kryetari i PDK-së Hashim Thaçi dhe ai i LDK-së, Isa Mustafa, kanë takuar përfaqësuesit e minoriteteve, me të cilët kanë biseduar për marrëveshjen e arritur për ndërtimin e institucioneve.
Pas përfundimit të takimit, përfaqësuesit e minoriteteve thanë se në takim me Thaçin e Mustafën, nuk kanë biseduar për çështje specifike, për postet ministrore, postin e kryeministrit, apo gjëra të tjera, por vetëm kanë biseduar dhe janë informuar për marrëveshjen dhe ndërtimin e institucioneve të vendit.
Mahir Yagcillar, tha se edhe pse nuk kanë biseduar në takimin e sotëm, por komuniteteve jo serbe, me Kushtetutën e Kosovës, u takon një post i ministrit por ai tha se ndoshta në bisedimet e ardhshme duhet të kërkohen më shumë poste të zëvendësministrave.
Edhe Nenad Rashiq, tha se sot nuk kanë biseduar për ndarjen e posteve, por vetëm në përgjithësi për marrëveshjen dhe për ndërtimin e institucioneve.