Këto ditë LDK po punon me vrull në terren, për ta mobilizuar anëtarësinë e LDK-së. Zyrtarë të lartë të LDK-së i kanë shpalosur “Botës sot” strategjinë e partisë për zgjedhjet e ardhshme.
A do të përjetoj Kosova një kthesë në qeverisje, një fillim të ri, apo do të vazhdojë me këtë avaz qeverisës që mund të rezultojë me trazira sociale nga numri i madh i të papunëve dhe varfëria që vjen e shtohet me ritme alarmante? Zyrtarë të lartë të LDK-së i kanë thënë “Botës sot” se në fund të majit ose në fillim të qershorit Kosova do të shkojë në zgjedhje parlamentare. Brenda dy javësh pritet shpërndarja e parlamentit. Lufta e këtyre zgjedhjeve do të jetë PDK-ja e Hashim Thaçit, e cila do të përballet me votën e “ri-besimit” ose ndëshkimit nga qytetarët. Një kontribut ndëshkues për rezultatin e PDK-së do ta jep “Nisma” e Fatmir Limajt dhe qytetarët e zhgënjyer. Ndërkohë gjithnjë e më shumë po rritet pritshmëria në terren që këtë herë të vihet në provë LDK-ja me kandidatin për kryeministër, Isa Mustafën, një akademik dhe doktor i shkencave ekonomike. Përvoja e tij në fushën e ekonomisë mund të ndihmoj praktikisht Kosovën.
(Tekstin e plotë mund ta lexoni të hënën në publikimin e shtypur të gazetës kombëtare “Bota sot” në Kosovë dhe diasporë)