Sami Lushtaku edhe për katër vjet do të jetë kryetar i PDK-së në Skenderaj.
Pas procesit zgjedhor në Skenderaj, Lushtaku është zgjedhur me mbi 90% të votave.
Përmes një postimi në Facebook, Sami Lushtaku ka falënderuar të gjithë delegatët e Kuvendit të Degës së PDK-së në Skenderaj.
Ai thotë se do të jetë kryetar i të gjithëve.
“Faleminderit delegatëve në Kuvendin e Degës për besimin me mbi 90% të votave, që edhe për një mandat të jem Kryetar i Degës së PDK-së në Skenderaj. Do të jem kryetar i të gjithëve!”, shkruan Lushtaku, transmeton gazeta “Bota sot”.
