Pas prishjes së kontratës nga Roberto Mancini, Interi nuk ka humbur kohë për të gjetur trajnerin e ri.
Krejt papritur ka ardhur largimi i Mancinit nga klubi ‘zikaltër’, vetëm dy javë pa nisur sezoni i ri në Serie A.
Megjithatë, drejtuesit e Interit nuk po rrinë duarlidhur, dhe menjëherë kanë gjetur zëvendësuesin e Mancios.
Fjala është për Frank de Boer, i cili sonte do të mbërrijë në Milano dhe gjatë ditës së nesërme pritet të zyrtarizohet si trajneri i Interit, transmeton KosovaPress.
De Boer, do të nënshkruaj kontratë tre-vjeçare me Interin dhe menjëherë do t’i bashkohet skuadrës në stërvitje.