“Unë jam shumë më tepër se një mbiemër”-kështu u shpreh Daniel Maldini, ndërsa u pyet se çfarë do të thotë të jesh djali i Paolo-s.
Në një prononcim të bërë për mediet, lojtari që ndodhet te Monza në formë huazimi nga Milan-i shtoi se
“Ne jemi një familje normale, e shoh babin pas ndeshjeve.
Më jep disa këshilla, por mbi të gjitha ne bisedojmë për çdo gjë. Pritet gjithmonë diçka më shumë nga unë, si për cilësitë e mia ashtu edhe për mbiemrin.
Megjithatë jam mësuar tani, gjithmonë kështu do të jetë. Në fund të fundit kjo është pjesa më delikate e karrierës sime”- deklaroi mesfushori.
