Në kampin e Barcelonës të gjithë shpresojnë që Lamine Yamal të thyejë një rekord të ri dhe ta çojë skuadrën e Xavi në çerekfinalet e Ligës së Kampionëve. Talenti spanjoll, autor i gjashtë golave dhe shtatë asisteve këtë sezon, nuk e ka gjetur ende rrjetën në kompeticionin më të lartë evropian.
Nëse do t’ia dilte sonte, në ndeshjen e kthimit të fazës së 1/8-ve të finales kundër Napolit, do ta kalonte ish-bashkëlojtarin e tij, Ansu Fati, i cili mban rekordin si golashënuesi më i ri në Champions League.
17 vjeç e 40 ditë, krahasuar me 16 dhe tetë muaj për Yamal, i cili do të mbushë 17 vjeç më 13 korrik. Sot ai pritet të luajë si titular, siç ka ndodhur shumë herë këtë sezon. Largimi i Dembélé verën e kaluar dhe dëmtimet e Raphinhas kontribuan që ai të fitonte rëndësi në hierarkinë e Xavi.
Në muajt e fundit rritja e Lamine ka qenë e dukshme deri në atë pikë sa mund të thuhet se ai tani është në të gjitha aspektet një titular fiks, për Barcelonën dhe për Spanjën.
Rekordet e thyera nga Lamine Yamal
Lojtari më i ri debutues në historinë e Barcelonës (15 vjecc e 290 ditë)
Lojtari më i ri debutues në historinë e Barcelonës B (15 vjecc e 297 ditë)
Fituesi më i ri i La Ligës (15 vjeç e 305 ditë)
Lojtari më i ri titullar në historinë e Barcelonës dhe La Ligës (16 vjeç e 38 ditë)
Lojtari më i ri që ka debutuar dhe shënuar për kombëtaren spanjolle (16 vjeç e 57 ditë)
Lojtari titullar më i ri në historinë e UEFA Champions League (16 vjeç e 83 ditë)
Golashënuesi më i ri në historinë e Barcelonës dhe La Ligës (16 vjeç e 87 ditë)
