Inter mundi Salernitanën 4-0, duke konfirmuar vendin e parë në renditjen e Serie A dhe shkuar mjaft i karikuar në ndeshjen e Champions League kundër Atletico Madridit. “Ishte e rëndësishme t’i qaseshim mirë ndeshjes, – komentoi Simone Inzaghi në fund të lojës. – Djemtë ishin të vëmendshëm, sepse Salernitana kohët e fundit kishte krijuar probleme për ekipet e nivelit tonë. Ne shënuam menjëherë dhe më pas e mbajtëm përqendrimin të lartë për 90 minuta”.
Interi di të kombinojë përqendrimin maksimal dhe zhdërvjelltësinë, forca e grupit është një element i rëndësishëm: “Ne po mbajmë një ritëm të madh, por Juventusi dhe Milani po bëjnë po aq mirë. Duhet ta mbajmë përqendrimin tonë të lartë, sepse tani vështirësitë do të shtohen, me kaq shumë ndeshje në një kohë të shkurtër”.
Inzaghi vendosi të mos bëjë rotacion masiv në kuadër të Ligës së Kampionëve:
“Kam bërë tri ndryshime në krahasim me ndeshjen ndaj Romës, por kishim 6 ditë për t’u rikuperuar dhe vlerat në seancat e fundit ishin të mira. Unë jam komod për të bërë zgjedhje të tjera, nuk do të ishte problem të ndryshoja shumë lojtarë të tjerë. Duhet të jemi të mirë për t’u gjetur me përqendrimin e duhur”.
Interi po vazhdon të rritet, pavarësisht rezultateve: “Ne po luajmë shumë mirë, por bilancet duhet të bëhen në fund të sezonit. Vitin e parë kishim një objektiv tjetër, në të dytin fituam dy trofe dhe finale Champions-i.
Tani kemi një ecuri të shkëlqyer, pasi fituam trofeun e parë, por duhet të vazhdojmë kështu, sepse do të ketë gracka dhe do të duhet të jemi mirë në ato momente”.
Në mesjavë, ndeshja kundër Atletico Madridit: “Është një skuadër e shkëlqyer, që ka humbur dy ndeshjet e fundit kundër Athletic dhe Sevilla, pavarësisht se ka goditur shumë në portë. Atletico është ekip i fortë dhe me përvojë, me një trajner të shkëlqyer, që do të bëjë më të mirën”.
