Lautaro Martinez po kthehet në lojtarin simbol të Interit. Sulmuesi argjentinas shënoi golin e fitores përballë Napolit, duke i dhuruar skuadrës së Inzaghit Superkupën e Italisë. Me këtë gol, kapiteni i Interit hedh një tjetër hap drejt librave të historisë së skuadrës zikaltër.
Lautaro Martinez ka arritur kuotën e 123 golave të shënuar me fanellën e Interit, duke barazuar një legjendë si Vieri. Vetëm tetë sulmues zikaltër qëndrojnë më lart se ai në renditjen e golashënuesve të të gjitha kohërave të Interit dhe për të ngjitur një tjetër shkallë në këtë klasifikim mungon vetëm një gol.
Argjentinasi ka shënuar 97 gola në kampionat, 12 në Champions League, 8 në Kupën e Italisë, 3 në Europa League dhe 3 në Superkupën e Italisë. Rritja e sulmuesit nga vitit në vit ka qenë evidente nga 9 gola të shënuar në sezonin 2018-19 në 27 gola të shënuar sezonin e kaluar (2022-23), ndërsa në sezonin aktual “demi” ka shënuar 21 gola.
Renditja e golashënuesve më të mirë në të gjithë historinë e Interit:
GIUSEPPE MEAZZA - 284 gola
ALESSANDRO ALTOBELLI – 209 gola
ROBERTO BONINSEGNA – 171 gola
SANDRO MAZZOLA – 160 gola
LUIGI CEVENINI III – 158 gola
BENITO LORENZI – 143 gola
ISTVAN NYERS – 133 gola
MAURO ICARDI – 124 gola
CHRISTIAN VIERI – 123 gola
LAUTARO MARTINEZ – 123