Mbrojtësi kuqezi mund të jetë në dispozicion për ndeshjen e radhës kundër Veronës.
Të paktën për stolin.
Marash Kumbulla ka filluar të shohë një dritë në fund të tunelit. Mbrojtësi i Romës nuk ka dalë asnjëherë në fushë këtë sezon, ndeshja e fundit ishte në fund të prillit 2023 para se të dëmtonte ligamentin në gjurin e djathtë.
Nga atje, errësirë. Kumbulla punoi pa u lodhur për t'u rikthyer, tetë muaj në të cilat ai u përpoq të rikuperohej duke ndjekur nga afër Romën me synimin për të qenë në dispozicion sa më shpejt.
Javën e kaluar ai ishte në stol në derbin e Kupës së Italisë kundër Lazios, ai duhej të thirrej për ndeshjen e San Siros kundër Milanit, por u ndalua nga një mbingarkesë. Megjithatë, rikthimi në fushë nuk ka qenë kurrë aq i afërt sa tani, mbrojtësi shqiptar mund të jetë duke u rikuperuar nga problemi i fundit fizik dhe nëse do të rikuperohet në kohë, ai tashmë mund të jetë në dispozicion për ndeshjen e radhës kundër Veronës. Të paktën për stolin.
Lajm i mirë për trajnerin e ri të Romës, Daniele De Rossi, që merret me urgjencën në mbrojtje. Duke qenë se nuk ka luajtur ende asnjë minutë këtë vit, Kumbulla do të ishte një lloj 'blerje e re' në një repart ku është e vështirë të gjesh lojtarë.
Qendërmbrojtësit e vetëm natyralë në dispozicion për ndeshjen e së shtunës kundër Veronës janë Huijsen dhe Llorente. Mancini dhe Cristante janë skualifikuar (ky i fundit një mesfushor i përshtatur në mbrojtje), N'Dicka është në Kupën e Kombeve të Afrikës dhe Smalling është ende jashtë.
