Me Real Madridin që gëzon një moment të mirë dhe Atletiko Madridin në një rënie të vogël, rivalët e qytetit takohen sonte në gjysmëfinalen e Superkupës së Spanjës, në Arabinë Saudite.
Real Madridi ka fituar pesë ndeshjet e fundit në të gjitha garat dhe po shijon një seri prej 19 ndeshjesh pa humbje radhazi.
Humbja e vetme e skuadrës këtë sezon erdhi kundër Atletiko-s në ligën spanjolle, 3-1 në stadiumin “Metropolitano”.
Të dy skuadrat kërkojnë kalimin në finalen e madhe, atje ku do të përballen me fituesin nga ndeshja, Barcelona – Osasuna. Ky takim fillon në ora 20:00 dhe i njëjti luhet në Arabinë Saudite.
