Ballkani i Therandës, kampion i ri i Kosovës, synon që të përgatitet sa më mirë për garat evropiane përkatësisht rrethin e parë të kualifikueseve në Champions League në futboll.
Therandasit janë përforcuar me portierin Andrea Hoxha.
“Ballkani ka kënaqësinë të njoftojë se portieri Andrea Hoxha është zyrtarisht pjesë e skuadrës sonë.
Klubi ynë ka arritur ditën e sotme një marrëveshje 2 vjeçare me portierin, i cili vjen te Ballkani nga Phoenix Lubeck ekip i cili garon në Regional Liga - Gjermani.
Klubi i Ballkanit i uron mirëseardhje portierit shtatlartë dhe shumë suksese me fanellën e klubit tonë”, njofton FC Ballkani.
