Flamengo u shpall kampione në Kupën Libertadores teksa mposhtën me rezultatin 1-0, Athletico Paranaense. Objektivi i radhës për skuadrën braziliane tashmë është Botërori i Klubeve, ku sigurisht pengesa drejt trofeut do të jenë Kampionët e Europës, Real Madrid.
Megjithatë, në organikën e Flamengos është një si Arturo Vidal, që në karrierën e tij është përballur shpesh me madrilenët.
Edhe pse nuk ka fituar gjithnjë kundër tyre, kiliani ka eksperiencën e duhur për të luajtur ndaj yjeve të ekipit spanjoll, ndërsa atmosferën ka nisur ta nxehë dhe të përgatisë shokët e tij nëpërmjet një kënge.
“Real Madrid do të thyejmë në mes”…, ishin vargjet e kënduara nga Vidal, që sigurisht nuk mundi të mos përdoret edhe disa fjalë të tjera më ofenduese ndaj Los Blancos.
