Po shkëlqen me Barcelonën B, por trajneri nuk e shikon Manajn si pjesë e skuadrës së parë as në të ardhmen!
Rey Manaj shkëlqeu në fundjavë me Barcelonën B në sfidën ndaj Badalonas teksa në suksesin 4-0 shënoi një gol dha një asist dhe nxorri dy kundërshtarë me karton të kuq, por pavarsisht formës së shkëlqyer që po tregon sulmuesi i kombëtares shqiptare gjatë kësaj periudhe, trajneri i Barcelonës B, Garcia Pimienta mendon që Manaj është i vetmi nga futbollistët që ka aktualisht në skuadër që nuk do të jetë pjesë e ekipit të parë as në të ardhmen.
“Shikojeni ekipin dhe të gjithë përveç Manaj janë lojtarë nën 23-vjeç dhe kanë një profil të qartë që mund të mbërrijnë në ekipin e parë.
Të gjithë këta janë nga “kantera” me ADN që e njohim dhe me objektiv të qartë për të mbërritur te skuadra e parë”, u shpreh Pimienta, i cili duket sikur “përjashton” Manaj.
