Rreth dy të tretat e suedezëve thonë se do të mund të menaxhonin në një shoqëri e cila nuk përdorë fare paratë.
Zakonet e mënyrave të pagesave te suedezët grumbullohen nga të dhëna vjetore, dhe në publikimin e fundit, 7 nga 10 njerëz kanë pohuar se do të mund të jetonin pa paguar me para të gatshme.
Kjo statistikë nuk është edhe aq e befasishme, nëse përmendim se i njëjti anketim ka vënë në pah se vetëm një në tetë persona (13 për qind) kanë përdorur para kesh për blerjet e fundit. Në vitin 2010 kjo shifër ka qenë 30 për qind.
Ndërsa katër nga dhjetë persona nuk kanë përdorur para të gatshme në muajin e fundit.
Banka qendrore e Suedisë ka deklaruar se janë sjelljet e publikut që po ushtrojnë ndikim mbi nevojën për të ndryshuar qasje rreth përdorimit të parasë. Nga viti 2006 deri në atë 2016, tërheqjet e parave nga bankomatët janë përgjysmuar.
Dy të tretat e tregtarëve në Suedi besojnë se ata nuk do të pranojnë para të gatshme pas vitit 2030.
