Më shumë tani nga ministri i Jashtëm rus Sergei Lavrov, këtë herë për bisedimet e paqes midis Rusisë dhe Ukrainës. Ai tha se SHBA po e frenojnë Kievin të pajtohet me kërkesat e Rusisë, shkruan BBC, transmeton Bota sot.
“Ndihet vazhdimisht se delegacioni ukrainas po mbahet për dore, me shumë gjasa nga amerikanët, duke mos i lejuar ata të pajtohen me kërkesat që unë mendoj se janë absolutisht minimale”, tha ai, sipas agjencisë ruse të lajmeve Interfax.
Z. Lavrov nuk duket se ka dhënë asnjë provë për idenë se SHBA po ndikon në pozicionin e Kievit dhe as SHBA dhe as Ukraina nuk kanë sugjeruar se mund të jetë kështu.
Në fjalimin e tij më të fundit me video, presidenti i Ukrainës Volodymyr Zelensky bëri thirrje për negociata kuptimplota për paqen.
"Është koha për t'u takuar. Koha për të biseduar," tha ai, me sa duket duke bërë thirrje për bisedime të drejtpërdrejta me Vladimir Putin.
