Një shqiptar është arrestuar në Britani pasi akuzohet se kishte kthyer lavazhin në një shtëpi bari.
Sipas mediave të huaja autoritetet kanë kontrolluar ditën e sotme lavazhin në Canvey Island, ku zbuluan se në kushte shtëpie po rriteshin rreth 70 bimë kanabisi.
Mësohet se bimët ishin të ndara në tre dhoma, ku për t’u futur tek to ishte një derë e fshehtë. Kjo derë ndodhej tek dhoma ku flinte dhe shqiptari.
“Kur hymë në lavazh, erdhi një zotëri dhe hapi derën, i cili ishte shtetas shqiptar. Ai është arrestuar për kultivimin e kanabisit,”-bëri me dije Policia pas operacionit.
Ndërkohë që bashkë me raportimin në media, Policia e Essex ka publikuar pamje edhe brenda shtëpisë, ku qëndronte shqiptari.
