Rusia thotë se më se 20 luftanije me përcjellje adekuate, janë nisur nga bazat e tyre në Detin Kaspik dhe i kanë filluar stërvitjet masive ushtarake në gjithë pjesën jugperëndimore të Rusisë.
Ushtria tha se në këto ushtrime, që filluan pardje, janë të përfshirë 8,500 ushtarë dhe 200 aeroplanë luftarakë.
Ministri i mbrojtjes i Rusisë, Sergei Shoigu, tha se manovrat kanë për qëllim kontrollin e aftësive të trupave për përgjigje ndaj kërcënimeve ekstremiste dhe sfidat e tjera.
Në këto ushtrime përfshihen forcat e stacionuara në Qarkun ushtarak jugor, ku bëjnë pjesë rajonet afër kufirit me Krimenë, gadishull i Ukrainës, që është aneksuar nga Rusis në vitin 2014, pastaj me Kaukazin Verior, Detin e Zi dhe Detin Kaspik.
Ky është ushtrimi i fundit në serinë e manovrave madhore ushtarake të kryera gjatë dy viteve për shkak të tensioneve ndërmjet Rusisë dhe perëndimit.